Cultura si mausoleo non

Pasados once anos desde o inicio do proxecto da Cidade da Cultura e con 400 millóns de euros de sobrecosto desde a Plataforma Cultura Si Mausoleo Non, parecenos fora de lugar e absurdo, o acto de pompa e boato, convocado pola Xunta de Galicia para celebrar unha inauguración duns edificios sen nengun tipo de contidos nen aproveitamento cultural. Vai a cortarse unha cinta para poder acceder a visitar uns edificios valeiros, sen actividade e carentes de proxectos de uso.
Maña hai que deixar solos aos responsabeis desta factura gravosa para os cidadáns galegos. Aos políticos que desde Manuel Fraga a Alberto Nuñez, avalaron o destino de millóns de euros a un burato sen fondo e a unhas obras sen nengun tipo de xustificación nen necesidade.  Ao alcalde de Santiago que exercendo o localismo en proveito propio fai da Cidade da Cultura o seu proxecto para perpetuarse no poder. Aos voceiros do empresariado con animo de lucro que ven nestes edificios a panacea que nos vai salvar da crise e enriquecelos a eles mais que a ninguen. En definitiva ao acto de inauguración que vaian en compañia todos aqueles que se convertiron en complices do mal gasto e o despilfarro das obras do Gaiás.
Desde a Plataforma consideramos que transcurridos 11 anos queda constatado que continuar adiante coa idea de macro contenedor cultural no Gáias e adicar unha cantidade desorbitada de diñeiro público a unhas obras inacabables e de final e contidos incertos, é algo fora de lugar e totalmente inadeucado. É unha evidencia que os usos dos edificios tal como foron ideados no seu inicio xa non é posible nen real polo que inaugurar unhas instalacións co nome de Cidade da Cultura é incongruente e falto de rigor. Pedimos mais sentido común e menos luxo con inauguracións principescas, que poden valer para salir na prensa rosa pero non teñen xustificación desde a cultura e as necesidades dos cidadáns.

A Plataforma Cultura Si, Mausoleo Non continua a defender a disolución do que foi no seu momento o proxecto incial do goberno Fraga, nomeado  como Cidade da Cultura, solcitamos a anulación das partidas orzamentarias que lle dan respaldo e se reconvirtan as instalacións construidas para o destino final de cubrir necesidades básicas dos cidadáns de toda Galiza (sanidade, educación, servizos sociais e benestar social). Asi mesmo propoñemos dedicar os dous edificios que se van a inaugurar a albergar as instalacións da Administración Autonómica en Santiago de Compostela, aforrándose o pago de alugueres (11 millóns de euros ao ano) e destinando os edificios que están no centro da cidade, incluindo os complexos de San Caetano e San Lazaro a fins culturais e de uso social, sanitario e educativo, para uso e disfrute de toda a cidadania

A PLATAFORMA CULTURA SI MAUSOLEO NON DENUNCIA A CONTINUIDADE DO DESPILFARRO DA CIDADE DA CULTURA NOS ORZAMENTOS DO 2011.

Nuñez Feijoo debe levar a austeridade e o control dos fondos públicos ás contas da Cidade da Cultura

Pedimoslle a sensibilidade suficiente ao Presidente da Xunta, para que teña en conta nos orzamentos do ano 2011 que cos cartos da Cidade da Cultura, poidera haber hoxe em Galiza tres hospitais mais como o Clinico de Santiago, ou 215 escolas públicas de infantil e primaria ou 30 residencias de maiores como a da Volta do Castro


A Plataforma Cidadán Cultura Si, Mausoleo Non, considera unha irresponsabilidade e unha falta de austeridade que o Presidente da Xunta  presente nos orzamentos do ano 2011 a continuidade da Cidade da Cultura tal e como foi plantexada no seu día no ideado por Manuel Fraga e continuado por Touriño e Quintana. Os orzamentos do 2011 tampouco contemplan medidas para o cambio e reconversión dos usos e destinos da Cidade da Cultura, polo que é ainda mais grave a persistencia dun proxecto xa obsoleto. As necesidades actuais da Cultura en Galicia non pasan por unha concentración das inversións da Consellería de Cultura única e exclusivamente nas obras do Gaiás, centralizando o groso dos orzamentos, nuns edificios carentes de programación cultural inmediata e que deixa a cero os recursos dispoñibles para calquera outra actividade cultural.

As propostas de entregar a xestión dos eventos da Cidade da Cultura  a mans privadas  supon unha falta de compromiso coa xestión pública e o fomento de programacións elitistas e de pago de entradas ao alcance de moi poucos cidadáns (fomentandose o amiguismo das entradas gratis e invitacións a vips). E o único que se pretende é darlle o presunto beneficio que poida sacarse á conta de empresas privadas, mentras os gastos de mantemento,limpeza,vixianza,etc van seguir sendo pagados con fondos publicos. Seria xa escandaloso que despois de costearse as obras con fondos públicos de todos os cidadáns , non podamos acceder aos edificios gratuitamente e vexamos como si o poden facer os amigos e parentes que sempre consiguen invitacións e se poña en mans de empresas privadas a explotación de edificios públicos.

Os orzamentos do 2011 non poden consolidar unha Cidade da Cultura, de espaldas aos intereses dos galegos, e centralizar todas as inversións nuns edificios arquitectónicos que non dan encontrado destino nin contenidos. A Plataforma Cidadán Cultura Si, Mausoleo Non propon que os orzamentos do 2011, eliminen definitivamente a construcción dos dous edificios aínda non iniciados, e pasen a concentrarse nos edificios xa construidos as dependencias da Administración autonómica espalladas por Santiago de Compostela e que teñen un coste de 6 millóns de euros anuais en alugures (destinando esta cantidade e os edificios de San Caetano a funcións de benestar social de atención á terceira idade) e os edificios restantes adecualos para que poidan ser usados con fins sanitarios e educativos.

.
Nuñez Feijoo convirtese en colaborador necesario do malgasto e o despilfarro da Cidade da Cultura, consolidando un proxecto ilusorio e fantasioso que é unha lousa para os orzamentos do ano 2011 e unha inutilidade en tempos de crise que non se pode permitir unha autonomia con inversións baixo minimos, recortes sociais e centos de miles de parados. 
Compostela,23 de novembro de 2010

SOLICITAMOS A DIMISIÓN DO CONSELLEIRO DE CULTURA POLO SEU CONTINUO DESPRECIO A RECONDUCIR O MAL GASTO DO GAIAS E POLA UTILIZACIÓN DOS CONCERTOS DO XACOBEO PARA FACER AMIGUISMO E PROSELITISMO 




A Plataforma Cidadán Cultura Si, Mausoleo Non, pediu hoxe a dimisión do Conselleiro de Cultura ante a nefasta xestion de Roberto Varela. Como feitos mais graves que o incapacitan para seguir no cargo nomeamos os seguintes:
Oscurantismo e a falta de transparencia no control da Fundación Camilo José Cela, asumindo un deficit de fondos que grava ao erario público con gastos derivados da mala xestión e utilización privada por parte da Presidenta da Fundación. O traslado dos fondos bibliograficos ao Gaias non ten tampouco xustificación cultural e mesmo é contrario aos desexos postumos de Camilo José Cela.
Despilfarro e mal gasto no mobiliario e obras de acondicionamento da Cultura. Quedou constatado no Parlamento Galego que a compra de sillas e outros elementos de oficina fixose con sobre custo e sen atender a criterios de austeridade. Roberto Varela foi incapaz de controlar as compras efectuadas por persoal da sua confianza e en nengún momento intentou someter a aforro e sentido común as compras de mobiliario e ornamentos para os edificios do Gaias.
O Conselleiro de Cultura, esta a utilizar os concertos do Xacobeo para manter unha rede de VIPs que asisten gratis a todos os eventos por medio de invitacións e mesmo si o concerto é gratis como foi o de Carlos Nuñez no Obradoiro organizase de tal xeito que existan zonas de convidados ás que solo se pode acceder con invitación previa do departamento de Cultura. O sucedido no Obradoiro, con 400 sillas reservadas para convidados foi un acto de prepotencia e elitismo chabacano que xenerou problemas de orden público e unha discriminación a todos os cidadáns que non “gozan” da amistade do señor Roberto Varela para poder acceder a unha invitación. Mesmo o señor conselleiro ten sempre un mazo de entradas no seu peto para “facer amigos”.
O conselleiro de Cultura mantén na desidia e no abandono a promoción cultural de base en Galicia. Sin poñer en valor o importante patrimonio artistico e cultural que na maioria dos casos permanece baixo terra ou pechado para o uso e disfrute dos cidadans. O caso mais cercano xeograficamente ao despacho de Roberto Varela é o castelo da Rocha Forte en Santiago e os petroglifos de Conxo. Patrimonio que permanece abandonado ou con inversións irrisorias que impiden o seu estudo e coñecemento por parte dos cidadans.
Roberto Varela continua adiante coa Fundación da Cidade da Cultura e sen dar a coñecer o coste que supon o seu mantemento e as contratacións de persoal que existen na mesma, con salarios millonarios e sen definir cales son os seus fins e obxectivos e cal vai ser a programación da mesma para o momento da inauguración dos edificios rematados.Roberto varela manten na indefinición e na improvisación o futuro da Cidade da Cultura nun inadmisible quietismo que esta a costa centos de miles de euros aos cidadans galegos.
Por todo elo consideramos oportuna a dimisión dun conselleiro que non exerce como tal e que practica unha concepción elitista, vertical e mercantilista da cultura. Roberto Varela convertiu as instalacións do Gaiás nun panteón dunha cultura morta , afastada da esencia social, popular e participativa que corresponde a unha concepción democrática da creación cultural. Un burato negro por onde tirar millóns de euros de recursos públicos sen que haxa perspectiva de que a continuidade de Roberto Varela vaia cambiar a situación. Polo contrario ratificase o continuísmo da planificación efectuada por Pérez Varela e Fraga Iribarne, asentada por Anxela Bugallo e o bipartito e agora elevada ao seu máximo exponente de prepotencia por Roberto Varela.


Pedimos publicamente a dimisión do Conselleiro de Cultura Roberto Varela. Os cidadáns debemos poder exercer o noso dereito a demandar dos cargos públicos eficacia na xestión e bo facer cos fondos públicos e neste caso é evidente non se cumplen os minimos necesarios para a continuidade no seu posto do señor Roberto Varela.
Compostela,13 de setembro de 2010
POLA PLATAFORMA CIDADÁN CULTURAS I, MAUSOLEO NON

Pidenlle a Nuñez Feijoo que elimine os fondos para a Cidade da Cultura

Plataforma Cidadán Cultura Si, Mausoleo Non, plantexoulle hoxe ao Presidente da Xunta  que o proxecto dos orzamentos da Xunta de Galiza para o ano 2010, poña fin ao proxecto ideado por Manuel Fraga e continuado por Touriño e Quintana. Ademais os orzamentos deben contemplar medidas para o cambio e reconversión dos usos e destinos da Cidade da Cultura. Co fin de ter en conta as necesidades reais dos cidadáns galegos.

A continuidade dos destinos dos edificios e os contenedores previstos hai 10 anos por Fraga e Perez Varela, están caducos e obsoletos. As necesidades actuais da Cultura en Galicia non pasan por unha concentración das inversións da Consellería de Cultura única e exclusivamente nas obras do Gaiás, centralizando o groso dos orzamentos, nunha única infraestrutura, carente de programación cultural inmediata e que deixa a cero os recursos dispoñibles para calquera outra actividade cultural.

O burato sen fondo da Cidade da Cultura, obriga á consellería de Cultura a practicar vías de financiación privada, nunha fuxida cara a industrialización e mercantilismo da cultura alleo á dinámica cultural galega e que supon unha falta de compromiso coa xestión pública e o fomento da programación cultural de base.